Ahadees (Text)

وَعَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَا تُقْبَلُ صَلَاةُ مَنْ أَحْدَثَ حَتَّى يتَوَضَّأ»

حضرت ابوہریرہ ؓ بیان کرتے ہیں ،رسول اللہ ﷺ نے فرمایا :’’ جس شخص کا وضو ٹوٹ جائے تو جب تک وہ وضو نہ کرے اس کی نماز قبول نہیں ہوتی ۔‘‘ متفق علیہ ، رواہ البخاری (۱۳۵) و مسلم ۔

*Mishkat ul Masabeeh#300*

*Status: صحیح*

*************************************************

🕯️ *وہ لوگ جن سے متعلق امید ہے کہ وہ فتنوں سے محفوظ رہیں گے!!* 

📚 *ارشادِ نبوی ﷺ ہے:* 

"تھوڑا سا دکھاوا بھی شرک ہے۔ اور جو کوئی الله کے کسی دوست سے دشمنی رکھتا ہے، وہ الله تعالیٰ کے خلاف اعلانِ جنگ کرتا ہے۔ الله تعالیٰ کو وہ گمنام متقی نیک لوگ پسند ہیں جو غیر حاضر ہوں تو انہیں تلاش نہیں کیا جاتا، اگر موجود ہوں تو انہیں بلایا نہیں جاتا، نہ انہیں پہچانا جاتا ہے۔ ان کے دل ہدایت کے چراغ ہیں۔ وہ ہر ایک غبار آلود تاریک فتنے سے نکل جاتے ہیں (اور فتنوں سے متاثر ہو کر گمراہ نہیں ہوتے")۔

*[سنن ابنِ ماجہ|3989]*✨

*************************************************

حضرت ابو ہریرہ رضی اللہ عنہ سے مروی ہے, کہ رسول اﷲ -صلی اللہ علیہ وآلہ وسلم- نے فرمایا: 

ایمان کی ستر سے کچھ زیادہ شاخیں ہیں, جن میں سب سے افضل "لَا إِلٰهَ إِلَّا ﷲُ" (یعنی وحدانیتِ الٰہی) کا اقرار کرنا ہے; 

اور ان میں سب سے نچلا درجہ کسی تکلیف دہ چیز کا راستے سے دور کر دینا ہے۔ 

اور حیاء بھی ایمان کی ایک (اہم) شاخ ہے۔

*************************************************

*Mishkat ul Masabeeh Hadees # 4427* 

 وَعَنِ ابْنِ عُمَرَ: أَنَّ النَّبِيَّ صَلَّى اللَّهُ عَلَيْهِ وَسَلَّمَ رَأَى صَبِيًّا قَدْ حُلِقَ بَعْضُ رَأْسِهِ وَتُرِكَ بَعْضُهُ فَنَهَاهُمْ عَنْ ذَلِكَ وَقَالَ: «احْلِقُوا كُلَّهُ أَوِ اتْرُكُوا كُلَّهُ» . 

رَوَاهُ مُسْلِمٌ 

 حضرت ابن عمر ؓ سے روایت ہے کہ

 نبی ﷺ نے ایک بچہ دیکھا جس کے سر کا کچھ حصہ مونڈ دیا گیا تھا اور کچھ چھوڑ دیا گیا تھا ،

 آپ ﷺ نے انہیں اس سے منع کر دیا اور فرمایا :

’’ *سارا (سر) مونڈو یا سارا چھوڑ دو* ۔‘‘ 

رواہ مسلم ۔ 

 Sahih Hadees

*************************************************

‏سیدنا ابو ہریرہ ‌رضی ‌اللہ ‌عنہ سے مروی ہے کہ

 نبی کریم ‌صلی ‌اللہ ‌علیہ ‌وآلہ ‌وسلم نے فرمایا : 

 زیادہ سے زیادہ

لَاحَوْلَ وَلَا قُوَّۃَ إِلَّا بِاللّٰہِ 

 کہا کرو، کیونکہ یہ جنت کے خزانوں میں سے ایک خزانہ ہے۔

(مسند احمد : 5473)

*************************************************

 *رسول الله ﷺ نے فرمایا:* 

"جو کوئی الله اور آخرت کے دن پر ایمان رکھتا ہے اسے چاہیے کہ اچھی بات کہے ورنہ خاموش رہے اور جو کوئی الله اور آخرت کے دن پر ایمان رکھتا ہے وہ اپنے پڑوسی کو تکلیف نہ پہنچائے اور جو کوئی الله اور آخرت کے دن پر ایمان رکھتا ہو وہ اپنے مہمان کی عزت کرے۔"

*[صحیح بخاری|6475]*✨

*************************************************

🥀 *ظالم اور مظلوم دونوں کی مدد کرو!!* 

📚 *رسول الله ﷺ نے فرمایا:* 

"اپنے بھائی کی مدد کرو خواہ وہ ظالم ہو یا مظلوم۔ صحابہ نے عرض کیا: یا رسول الله! ہم مظلوم کی تو مدد کر سکتے ہیں۔ لیکن ظالم کی مدد کس طرح کریں؟ آپ ﷺ نے فرمایا کہ ظلم سے اس کا ہاتھ پکڑ لو (یہی اس کی مدد ہے)۔"

*[صحیح بخاری|2444]*✨

*************************************************

🌷 *رسول الله ﷺ نے فرمایا:* 

"اگر چار عادتیں تم میں موجود ہیں تو دنیا سے اگر تمہیں كچھ بھی نہ ملے تو كوئی حرج نہیں: امانت كی حفاظت، سچ بولنا، اچھا اخلاق اور پاكیزہ حلال لقمہ۔"

*[السلسلة الصحيحة|1327]*✨

*************************************************

*🌺رَبِّ زِدْنِیْ عِلْماً🌺*

🌱سیدنا ابوہریرہ رضی اللہ تعالی عنہ سے روایت ہے کہ رسولﷺ نے فرمایا؛ 

"اور جو شخص علم کی تلاش کے لیے کسی راستے پر چلے تو اللہ تعالی اس کے ذریعے اس کے لیے جنت کی طرف (جانے کا) راستہ آسان فرمادیتا ہے۔" 

*📙<رواہ مسلم>*

*_{کیسے؟.....جب حصولِ علم کے لیے نکلا جاتا ہے اور علم حاصل ہونے لگتا ہے تو انسان میں شعور پیدا ہوتا ہے پھر یہی علم و شعور مومن کے لیے عمل کو آسان بنادیتا ہے۔۔ جس سے مومن نیکی کی طرف آگے بڑھتا جاتا ہے اور اپنے نفس کو گناہوں سے روکتا ہے۔_*

*_پس یہی ذریعہ اُس کے لیے جنت کی طرف جانے کا راستہ آسان فرما دیتا ہے♥️}_*

*************************************************

*🌺رَبِّ زِدْنِیْ عِلْماً🌺*

🌱سیدنا عبداللہ بن عَمرو بن عاص رضی اللہ تعالی عنہ سے روایت ہے کہ نبیﷺ نے فرمایا؛ 

"میری طرف سے لوگوں کو (احکام الٰہی) پہنچا دو اگرچہ ایک آیت ہی ہو اور بنی اسرائیل (مراد:تورات - شرط: قرآن و حدیث کے مطابق ہو ان کے خلاف نہ ہو) سے روایت کرو اس میں کوئی حرج نہیں اور جس نے مجھ پر جان بوجھ کر جھوٹ (سِری جھوٹ یا لاعلمی کے باعث جھوٹ) بولا تو اسے چاہیے کہ وہ اپنا ٹھکانا آگ میں بنالے۔"

*📙<رواہ البخاری>*

*************************************************

🌟 *حضرت ابوبکر صدیق رضی اللّٰه عنہ کی فضیلت* 

🌷 *رسول الله ﷺ نے فرمایا:* 

"وقت اور مال خرچ کرنے کے لحاظ سے ابوبکر کا مجھ پر سب سے زیادہ احسان ہے۔ اور اگر میں کسی کو خلیل (جگری دوست) بناتا تو میں لازماً ابوبکر کو خلیل بناتا، لیکن اخوت اسلامی اور اس کی مودت و محبت کافی ہے، مسجد میں کھلنے والے تمام دروازے بند کر دیے جائیں البتہ ابوبکر کا دروازہ رہنے دو۔"

*[صحیح بخاری|3904] + [صحیح مسلم|2382]*✨

***************************************************

💎 *کون سے صدقہ میں زیادہ ثواب ہے؟* 

ایک شخص نبی کریم ﷺ کی خدمت میں حاضر ہوا اور کہا کہ یا رسول الله! کس طرح کے صدقہ میں سب سے زیادہ ثواب ہے؟ آپ ﷺ نے فرمایا:

"اس صدقہ میں جسے تم صحت کے ساتھ بخل کے باوجود کرو۔ تمہیں ایک طرف تو فقیری کا ڈر ہو اور دوسری طرف مالدار بننے کی تمنا اور امید ہو اور (اس صدقہ خیرات میں) ڈھیل نہیں ہونی چاہیے کہ جب جان حلق تک آجائے تو اس وقت تو کہنے لگے کہ فلاں کے لیے اتنا اور فلاں کے لیے اتنا حالانکہ وہ تو اب فلاں کا ہوچکا۔"

*[صحیح بخاری|1419]*✨

****************************************

💖 *الله کے سوا کوئی نفع نقصان کا مالک نہیں!!* 

🌷 *نبی کریم ﷺ نے ابنِ عباس رضی اللّٰه عنه کو نصیحت کرتے ہوئے فرمایا:* 

"تم الله (کے احکام) کی حفاظت کرو، الله تمہاری حفاظت فرمائے گا، تم الله (کے حقوق) کا خیال رکھو، تو تم اسے اپنے سامنے پاؤ گے، اور جب تم سوال کرو تو صرف الله سے کرو، جب تم مدد طلب کرو تو صرف الله سے مدد طلب کرو، اور جان لو کہ اگر پوری امت بھی جمع ہو کر تمہیں کچھ فائدہ پہنچانا چاہے تو وہ تمہیں اس سے زیادہ کچھ فائدہ نہیں پہنچا سکتی جو الله نے تمہارے لیے لکھ دیا ہے، اور اگر وہ تمہیں نقصان پہنچانے کے لیے جمع ہو جائے تو وہ تمہیں اس سے زیادہ کچھ نقصان نہیں پہنچا سکتی جو الله نے تمہارے لیے لکھ دیا ہے، قلم اٹھا لیے گئے اور صحیفے خشک ہو گئے۔"

*[جامع ترمذی|2516]*✨